KASASSABA KO NEMAN NA ABINCI?

Masu azancin magana sun ce kowa da kiwon da ya karbe shi wai makocin mai akuya ya sai kura. A yayin da wasu ke ta faman fadi-tashin neman aikin dogaro da kai dare da rana safe da yamma daga masana'antu zuwa ma'aikatun gwamnati. A kuma yayin da wasu suka nema har suka gaza tare da fauwala komai ga mai kowa da komai. A kuma yayin da wasu suka zabi zama 'yan bangar siyasa a matsayin rufawa kai asiri. A kuma yayin da wasu suka gwammace zuki-fesar a dandi. Malam Isa Yakubu kuwa gwammacewa yayi da zaman banza gwamma bin kogo ko rami domin ya zura hannun sa ya damko maciji. Duk kuwa da cewar hakan ba karamar kasada ba ce, domin matsanacin hatsabibancin da ke tattare da shu'umar halittar da kaidin ta ke da matukar tasiri mai tsoratarwa ga rayuwar bil'Adama.
Ganin yadda jama'a ke darewa a yayin da ya tinkare su, dauke da shi a kafada ko kuma rike da shi a hannun kamar yana dauke da buhun masu gudan rana. Ya sa wakilin mu Maje El-Hajeej Hotoro tattaunawa da shi, musamman ma ganin yadda ya ke cunkusa kan macijin cikin bakin sa ya na tsotsa tamkar ya na mai tsotsar alwar dinya.
Ko yaya sunan Malamin?
Isa Yakubu.
Daga ina kenan?
Bauchi.
Ko wannan wasa da maciji da ka ke yi gado ne?
Gada na yi. Maciji ko wanne iri ne, ko na iska ne na riga shi na ce Allah. Ya Allahu ta rike bakin sa. Ni na ke danna hannu a kogo kowane iri ne zan janyo shi don na zagaya na gaida 'ya'yan sunnah.
Ko akwai wani magani da ka ke amfani da shi?
Wannan gado ne daga mahaifi zuwa kaka. Na taso daga gida na ga ana yin sa.
Kusan shekara nawa kenan ka na wannan sana'a?
Kusan shekara 34 kenan.
Ko ka taba haduwa da sharrin maciji?
Ina haduwa da macijin iska wanda ya ke cewa ya fi karfi na kuma da ikon Allah zan ci nasara akan sa kowane irin maciji ne. Maciji mai gemu, mai dan kuune, kowane iri ne ina yawan haduwa da shi a daji amma da yardar Allah ina kama su ba macijin da ya fi karfi na.
Ganin maciji na da sharri. Ko ka taba haduwa da sharrin sa?
Babu.
Da gaske kuma akwai na isaka kamar yadda wasu ke fada?
Sosai kuwa. Akwai mai gemu, akwai mai dan kunne, akwai kuma wanda zai yi maka magana ya ce ya fi karfin ka sai dai ka kama jikokin sa.
Ta yaya ku ke kama shi?
In dai za'a samu bakin abu a yanka, iskokin su bar kan sa, sai mu kama shi.
Ko da gaske ne idan mutum ya na cin maciji idan ya gan shi zai rika jin tsoron sa?
Kenan idan kana cin naman saniya idan ta gan ka sai ta gudu? Wannan duk fade ne kawai.
Da gaske ne maciji na jin magana?
Shi akwai jin magana domin har ya fi mutum jin magana.
Ko wanne shu'umanci ne ke tattare da maciji?
Akwai shu'umi kwarai kuwa.
Kamar yaya?
Akwai kwari. Za ka ganshi dan karami amma sai ya kumbura ya cika maka ido ya zama kamar tayar mota.
Ko jinsin macizai sun kai nawa?
Guda 100 ba 1 ne.
Lissafa mana kadan daga ciki?
Kasa, kububuwa, gansheka, jannasori, wuju-wuju, takwasara da sauran su.
Ko da gaske ne akwai macijin da ya ke tashi sama?
Sosai ma kuwa.
Kamar wadanne?
Akwai Darman, kububuwa, tsadaraki duk suna tashi sama.
Ina gaskiyar cewar kasa na shekara ta na barci?
Wannan duk fade ne idan ka zo kan ta za ta sa ni.

जा'afar

Kisan Gillar Sheikh Ja’afar Mahmud Adam.

“ Wajibi ne akan shugaba ya tsare wa wadanda ya ke mulka rayuwar su, ta yadda za su iya barci har da munshari a gidajen su. Saboda samar da tsari na tsaro mai inganci, ta hanyar kare hannun duk wadanda aka san kai-ka-won su, zai iya zama barazana ga al’umma. Ta hanyar tabbatar da doka ga dukkan wanda ya ke yiwa dokar karantsaye.
Duk wanda ya firgitar da wani ko wasu ya hana su yin barci a kowane dalili, ko ta hanyar karbar dukiyar sa, ko a dalilin murdiya da jayayya, ko a dalilin kabilanci, ko wani dalili na daban. To ya kasance shugaba ya hukunta, wannan wanda ya hana wasu barci.”
Ko kadan marigayi Ja’afar Mahmud Adam, ba shi da masaniya a lokacin da yake futra wadannan lafuzza cewar, ‘yan sa’a’o’I kadan ne suka rage masa ya amsa kiran mahaliccin sa. Domin ya fade su ne a daren alhamis 12/04/2007 a yayin gabatar da taron wa’azi na musamman, da majalisar Ahlus-Sunnah ta shirya, domin yin bayanai akan ragowar babban zabe na musamman.
Kasancewar dawowar sa kenan daga jihar Bauchi, ya zo wajen a makare, don haka ya takaita batun sa, ko don cewa da ya yi duk yawanci abinda zai fada, ‘yan’uwansa sun fada. Kamar yadda ake yi masa a duk lokacin da ya halarci kowane majalisi, gabatar da sunan sa ke da wuya, gaba daya wajen ya dau kabbarori. Kuma a cikin jawaban sa, ya tabo muhimman batutuwa da suka shafi hakkin shugaba akan talakawan sa, da kuma suma hakkin shugaba akan su. Kasancewar dama an shirya wa’azin ne bayan sallar Magariba zuwa Isha’I, ana kammalawa, aka umarce shi da ya jagoranci sallah.
Washe garin ranar da wannan abu ya faru, juma’ar da ta zamanto jajiberen gudanar da babban zabe, sai garin Kano ya tashi da mumunan labarin rasuwar wannan dan taliki. Labarin da dubun-dubatar al’umma suka dauka tamkar al’amara da ga farko, kafin daga karshe su tsinci kan su cikin yanayin da duk iay fassarar mai fassara, ba zai iya kwatanta kwatankwacin wannan abu da ya darsu a zukatan su ba.
Bawai rasuwar Ja’afar ce ta girgiza zukatan al’umma ba, domin suna da cikakken yakinin kowane mai rai mamaci ne, kuma ciki har da shi din. Amma yadda ya rasu din shine babban abin tashin hankali ga duk wanda ya samu labarin cewar, da sanyin asubar juma’ar 13 ga Afirilun 2007 ya na tsaka da jan limacin sallar asuba a masallacin sa na Anmuntada, wasu fandararru suka afka har cikin masallacin gami da dandana masa zakin mutuwa, ta hanyar bindige shi har lahira.
Kamar yadda ladanin masallacin ya bayyanawa manema labarai cewar:
“ Muna cikin sallah ni da nake bayan sa, sai na jiyo takun kafa alamun mutum na tahowa. Kuma na fuskanci shi kan sa Malam din ya ji takun kafar. Kawai sai wasu mutane kusan 4 suka shigo, gami da harbin sa Fau! A daidai kasan hammatar sa, sai kuma suka bude wuta a cikin masallacin. Shi kuwa Malam sai ya yi kalmar shahada, tare da fadin:
“ Inna Lillahi Wa Inna Ilaihir-Raji’un.”
“Wanda tun daga nan bai kara cewa komai ba.”
Shin ko ta wacce kafa suka shigo?
“ Ta kofar da shi Malam din ya ke shigowa suka shigo.”
Bayan shi Malam din ko akwai wanda suka kashe ko kuma raunana?
“ Akwai wani makaho da duk lokacin da aka bude masallacin shine ya ke fara shigowa, sun harbe shi a kafa. Sannan akwai wanda suka harba, wanda shima nan take ya rasu.”
Ba ka tunanin ko cikin wa’azin sa na jiya, ya taba wasu da ba su ji dadi ba, wanda hakan zai iya sawa su yi masa wannan abin?
“ Malam bai taba kowa bacikin wa’azin sa, ya dai yi wa’azi ga shugabanni su ji tsoron Allah.”
Haka shima wani matashi da ya halarci salla tare da Malam din yayin faruwar al’amarin ya shaidawa wakilin mu cewar,
“ Wani abin mamaki shine masallacin ba karamin cika ya ke yi ba da sallar Asuba, musamman ma ranar juma’a. Amma a ranar gaba daya sahu uku ne, kuma shi kan sa Malam din sai da ya makara, har ana tunanin yin sallah, sai gashi ya shigo. Kuma a duk lokacin da ya shigo, ya kan rufo wannan kofa ta shigowar sa, amma a ranar sai ya barta a bude.”
Fantsamuwar wannan labari ke da wuya, al’umma suka shiga cikin matsananncin rudu gami da firgicewa, musammam ma da ya ke wani abu makamancin irin wannan bai taba faruwa a tarihin birnin na Dabo ba. Cikin kankanin lokaci sai ga shi masallacin da abin ya faru ya dankare da jama’a kamar kasa. Mafi yawancin su matasa, wanda kowa ka kalla kuka kadai ya ke iya yi. Yayin da wasu ke ta tintubar juna domin neman sanin yadda al’amarin ya faru. Kana kuma masu salula ke ta faman buga waya domin sanar da ragowar ‘yan’uwa abinda ya faru.
Bakunan mutanen wajen ya rarrabu zuwa gida biyu, wasu na tunanin kisan na da alaka da addini, yayin da wasu kuma ke danganta hakan da siyasa. Wanda hakan ya sa kowa ya yi ta kawo hujjojin sa, gami da kokarin gamsar da abokin zancen sa. Ganin yadda hankulan al’umma suka tinzura ne, ya sa aka umarci mutane da akyi sahu za’a tayar da sallah. Wanda nan da nan akayi yi sahu tun daga cikin masallacin har zuwa inda ba’a zato. Can bayan wani lokaci ka ce a tafi filin Firamare ta [orayi saboda nan din yayi kadan.
Bayan jama’a sun yi ta tururuwar tafiya can ne, sai aka kara umartar su da su kara yin sahu. Nan ma sai bayan kowa ya yi sahu, sannan aka kara sanarwa an daga yin sallar sai bayan sallar juma’a. Wasu sun koma gida domin karya gama da kimtsawa su dawo, yayin da wsu ko alamar motsawa daga wajen ba sa yi. Wanda ana tsaka da wannan abu ne, sai ga mai girma gwamna Malam Ibrahim shekarau nan ya zo, masu tsaron sa na buda masa tirmutsutsun al’umma domin ya shiga cikin masallacin. Wanda hakan ya janyo ‘yar hatsaniya, sakamakon wani matashi da ya fusata, gami da kai cafka da nufin damkar gwamnan. Wanda hakan ya sa wajen ya yamutse, wasu suka rika kokarin a buda masa ya shiga, yayin da wasu suka rika yunkurin hana shi. Amma daga karshe dai ya samu ya shiga.
Al’amarin da ya janyo rudu tare da hayaniya. Domin kusan duk cincirindon jama’ar wajen babu wanda ya goyi bayan wannan yunkuri da wasu suka yi.
“ In banda ma jahilci, yaya za’a kashe babban malami kamar Ja’afar, ace wai gwamna ba zai zo ba?”
Mafi yawancin kalaman da suka rika fitowa daga bakin mutane kenan. Gani al’amarin na neman rincabewa duk kuwa da tsauraran matakan tsaro da aka tanadar a wajen ne, ya sa aka umarci wani malami, ya tattaro hankulan mutane ta hanyar rarrashi da kuma siyasa. Wanda ya fara da bayyana yadda al’amarin ya faru, cewar an harbi malam ne da alburusai guda 6, wanda hakan ya sanya gaba daya wajen daukar kuwwa, saboda tausaya gareshi. Ya bayyana matsanancin alhinin sa, tare da alkawrtwa mutane cewar jinin Malam ba zai tafi a banza ba. Domin ga mai girma gwamna a wajen , ga manyan alkalai da masu fada aji, sun amince cewa komai zasu yi, zasu yi domin bankado wadannan ‘yan ta’adda.
Kana kuma ya yi ta rokon mutane da cewar, su ji tsoron Allah, su guji fadin munanan kalamai ga kowa, ko zargin wani bangare, tare da daukar doka a hannu. Su jira har sai an yi bincike, tare da gano ko su wanene tukunna. Kana kuma ya ci gaba da bayyana musu cewar, a halin yanzu ba Malam ne abin tausayi ba, domin ya yi mutuwar shahada, irin ta Sayyidina Umar (R.T.A) wanda shima aka riske shi har masallaci aka kashe shi. Kalaman sa sun kwantarwa da mutane hankali, tare da samun waje suka zauna har zuwa sallar juma’a. Wanda tunda aka bude masallacin bai taba karbar bakuncin dan Aadam irin na wannan lokaci ba.
Hudubar da aka gabatar yayin sallar juma’ar, ta kara tinzura al’umma, lokaci guda kuma ta zamanto mai sanyaya zukatan su. Domin dauke ta ke da ni’imomi tare da fa’i’dojin da Malam din zai samu, sakamakon mutuwar shahada da ya yi. Wanda har ta kai mai hudubar na fadin, suna masu kishin ina ma ace, suma su rabauta da irin wannan falala.
Bayan an kammala sallar juma’a, sai kuma yi masa sallah wanda ya gagara, domin gungun al’ummar da suka taru a wajen. Bazai iyu a ajiye gawar a sanya ta a gaba, gami da sallatar takamar yadda ake yi ba, sakamakon jama’ar da suka dandazo a wajen. Sai da ta kai limamin ya hau bisa motar gawar, aka yi sallar a haka. Domin ko fito da gawar ba a yi ba, saboda gudun yadda al’umma ke doki tare da rububin taba gawar. An samu samu kusan sa’a guda da rabi ana ta faman hada mutane da Allah akan su bari a fito da gawar, domin a rufe ta, amma abin ya ci tura. Mutane ran su ya baci sosai har suna ta fadin:
“ Sai kace ba musulmai ba? Don Allah ku matsa!”
Cincirindon jama’ar dai kowa so yak e ya samu ace ya taba gawar kafin a sanya ta cikin rami, wanda said a kyard a jibin goshi aka samu dammar bizne shi. Mutane maza da matan da suka halarci jana’izar ba abu ne da mutum zai yi tunanin kididdigewa ba, ko kuma tunanin kamantawa da wani taro ba. Wannan dan talilki da iko shakka babu ya samu matsananciyar soyayya gami da addu’o’in alkhairi ga dinbim al’umma. Musammam ma domin kasancewar tsananin tasirin da yake dashi a zuka tan mutanen da suke dafifi domin sauraren wa’azin sa.
A yayin day a ke mika ta’aziyyar sa, Malam Shekarau ya bayyana mamacin a matsayin wani gurbi babba da aka bari mai kuma wuyar cikewa. Kana kumaya bayyana bakin cikin san a wannan ta’annati da aka yi masa, kana daga karshe ya yi alkawarin ba za’a daina bincike ba, har sai an gano wadanda suka aikata wannan ta’addanci.
Shima a nasa sakon ta’aziyya shugaban kasa Obasanjo ya la’anci wadanda suka aikata wannan abu, tare da bayyana kisan a matsayin abin da bai kamata ba. Kana shima ya bayyana cewar jami,an tsaro na nan bias yunkurin suna gano wadannan ‘yan ta’adda.
An haifi malam Ja’afar Mahmud Adam ne a garin Daura da ke jihar Katsina a shekarar 1960. Amma kafin rasuwar sa, ya na zaune a jihar Kano , kana kuma duk shekara ya na gabatar da tafsiri cikin watan azumi, a masallacin Indimi da ke jihar Maiduguri . Ya bar mata 2 tare kuma da ‘ya’ya 6, bugu da kari ya na ci gaba da karatun digirin a na uku a Sokoto. Kafin rasuwar sa, malami ne da baya shakkar fadin gaskiya komai dacin ta, kuma ko akan waye, musammam ma yayin da aya da hadisai suka biyo ta kan ka. Kaza lika ya kasance ma’abocin hikimar Magana da kuma zalakar fayyace al’amura daki-daki ta yadda mutum zai iya fahimta cikin sauki. Yak an taba kowane bangare na rayuwa, bama akan matasa da kuma yadda zasu amfani rayuwar su, ta hanyar neman ilimin addini da kuma na zamani. Mai kuma son fige gaskiya ga mahukunta akan suji tsoron Allah, su yi gaskiya cikin lamuran su, da kuma yadda zasu inganta tattalin arzikin kasa da kyautata rayuwar talakawa.
Wanda yak an yi tafiye-tafiye jihohi daban-daban, ya na mai isar da sakon Ubangiji. Ya kuma samu karbuwa fiye da kima, domin nahiyoyi da daman a amfanuwa na daga wa’azozin sa. Mutane da dama daga garuruwa daban-daban, sun ci gaba da bayyana ta’aziyyar su, gami da jimamain sun a wannan abu day a faru a gareshi. Kana kuma a halin yanzu an dauki sara duk inda kaje kaset din wa’azin sa ake sanyawa. Masu sayar da kasa-kasai kuma na nan sun duk ufa sun a masu cinikin ire-iren wa’azin sa, musammam ma wanda ya yi ranar alhamis’ wanda shine na karshe kafin da asuba, yan ta’addar su halaka shi.

Boko Haram: An Kashe Maciji Ba a Sare Kansa Ba

Ba mamaki zuwa yanzu babu sauran wanda zai kara kalubalantar haramcin ilimin boko. Wanda dama tsohon yayi ne da ya wanzu a arewancin kasar nan domin nuna kyamar mazauna yankin na ilimin boko a matsayin bokoko a wuta. Hakan kuwa ya samo asali ne kamar yadda masan tarihi suka bayyana sakamakon nuna adawa da turawan mulkin mallaka. Bayan malalar jinin daruruwan mutane sakamakon yamutsin da ya wanzu a wasu sassa na arewacin Nijeriya, ciki kuwa har da gogarman kungiyar masu adawa da ilimin bokon, zuwa yanzu kallo ya koma sama. A yayin da miliyoyin mutane a ciki da wajen kasar suka shiga dogon nazarin gano bakin zaren dalilan da ya sa aka kashe madugun kungiyar a bayan fage ba tare da an kai shi kotu an kalubalance shi ya kare kansa an kuma tabbatar an kama shi da hujja, sannan a kai ga yanke masa hukunci ba.

A halin yanzu wannan ce muhawara mafi zafi da ake tattaunawa a zauruka da dama na yanar gizo. Duk munin laifin mai laifi babu wanda yake da hurumin zartas da hukunci a kansa matukar ba kotu ba. Jami'an tsaro kan iya harbin mai laifi a yayin da ya kasance sun yi taho-mu-gama kana kuma ya kasance dauke da makamin da zai iya kaiwa ga sanadiyyar rayuwarsu. Kuama a wannan yanayi ma sai idan babu wata sauran dabarar harbinsa a wani waje da za a iya kama shi da ransa domin gurfanar da shi a gaban kotu.

A ranar Alhamis din makon da ya gabata ne jami'an 'yan sandan kasar nan suka gabatar da gawar jagoran kungiyar ga manema labarai. Inda jaridu da dama suka buga hotonsa kwance male-male cikin jini gami da munanan raunukan da suka fi kama da harbin bindiga. Wanda hakan ya janyo 'yan sanda suka yi baki biyu wajen bayyana sakamakon mutuwarsa.

Da farko sun hakkake an kashe shine a yayin da dakarun tsaro sun kashe shi a harbe -harbe yayin da ya ke kokarin tserewa. Amma washegari sai jami'an soji ta bakin kwamandar rundunar murkushe 'yan kungiyar Kanal Ben Ahanoto ya bayyanawa manema labarai cewar, yana da rai a lokacin da aka mika shi ga 'yan sandan jim kadan bayan sun kama shi. Face kawai dan rauni da ya ji a hannunsa, wanda kuma an yi masa magani.

Amma sai 'yan sandan suka kara sakin wani bayani ta harshen kwamishinan 'yan sanda na jihar Borno Christopher Dega, inda ya bayyana cewar, a yayin da Mr. Yusif ya ke ma~oyarsa an yi musayar wuta da dakarun tsaro, wanda a sakamakon haka ya samu raunuka. Bayan an kama shi, an mika shi hannunsu ya gaza kai bantensa. Lamarin da ministan harkokin 'yan sanda Ibrahim Lame ya bayyana rashin jin dadinsa a yayin da ake zantawa da shi a sashen Hausa na BBC. Inda ya ce ya so a samu Muhammad Yusif da rai a gurfanar da shi a gaban kotu domin amsa tambayoyi.

Amma kasancewar hoto baya karya sai ga kafafen yada labarai sun wallafa hotonsa a lokacin da yake da rai, kuma dakaru na zagaye da shi, jim kadan kafin harbe shi har lahira. A hoton an ga Mohammed Yusuf, Shugaban kungiyar Boko Haram, ga alama a lokacin da aka kama shi, kuma kafin a mika shi ga 'yan sandan Nijeriyar. Wanda hakan ya jaddada zargin kungiyoyin kare hakkin bil Adama na cewar, an yiwa shugaban kungiyar kisan gilla (extrajudicial) ko kuma kisan ba bisa tafarkin da ya dace ba (illegal).

Bugu da kari an kara samun faifan bidiyo na minti 5 da sakwan 43 da jami'an suke masa tambayoyi. Wanda hakan ya kara wargaje batun 'yan sanda na cewar, ya cika ne a hannunsu sakamakon jikkata da yayi. Domin hatta ciwon da yake hannunsa da aka tambaye shi, cewa yayi faduwa yayi. Wanda hakan ya tabbatar ba wani harbi ko daya a jikinsa. Saànin wancan hoton gawarsa da aka nunawa duniya.

Kazalika Alhaji Buji Foi tsohon kwamishinan harkokin addini na jihar da 'yan sanda suka harbe, domin zarginsa da ake yi da daukar nauyin 'yan kungiyar, shima hotonsa ya bayyana a wasu jaridu da ransa kafin an daure masa hannu ta baya a wajen jami'an soji kafin 'yan sanda su harbe shi. bayyanar wani hoton bidiyo na sakwanni 40, ya nuna yadda jami'an kwantar da tarzoma suka kawo shi mota kirar Toyota Hilux. Foi wanda ya ke sanye da doguwar farar riga, kafarsa da hannunsa duk daure da ankwa, suka tarwatse suka barshi shi kadai.

Katsam sai jin karar bindiga aka yi na tashi, alburusai na isa gareshi. Kwamishinan da harsasai 6 suka same shi bai fadi ba, har sai bayan na 10 ya same shi sannan ya fadi. A yayin da aka ci gaba da harbin an ji sautin "kashe shi" "Ba an ba da oda ba?" na zayyanuwa cikin hoton bidiyon.

Tsohon kwamishina 'yan sandan jihar Legas Alhaji Abubakar Tsav, ya bayyana a Makurdi cewar kisan madugun kungiyar wani alaye na ~oye sunan 'yan siyasa da jami'an tsaro da suka da sa hannu cikin lamarin. Ta hanyar gurfanar da shi a gaban kotu ne zai iya fayyace su wane ne ke daure masa gindi domin suma a gurfanar da su. Amma kashe shi da 'yan sanda suka yi, hanya ce ta rufe bakinsa domin samun wannan bayani. Wa ya sani ma ko da sa hannun wasu daga cikin jami'an tsaron? Akwai yiwuwar nan gaba su sake bayyana ta wata sigar, domin mutum kadai da zai iya warware zare da abawar dangane da kungiyar an dinke bakinsa ta hanyar kashe shi da suka yi.

Sakamakon kashe shi da aka yi bayan za a iya kai shi kotu ya bankada sirrin komai, zai iya bawa wadanda suka daure masa gindi su koma gefe suna yada jita-jita iri daban-daban domin karkatai da hankalin jama'a. Ba mamaki jami'an tsaro ne? 'yan siyasa? Sarakuna? Ko kuma miyagun 'yan jari hujja? A bisa kwadayinsu na son dauwama akan karagar mulki abadan. Don haka kowa kan iya bin kowacce irin hanya na ganin ya cika kazamin muradinsa. Wanda sanin kowa ne a kasar nan ba da yawan jama'a ake cin za~e ba, face yin amfani da mahaukatan kudade tare da hada baki da jami'an tsaro ayi magudi.

Babban abin tambaya anan shine wane ne ya ke da umarnin bayar da kishe mai laifi a bayan fage ba tare da izinin kotu ba? Wane ne ya bayar da izinin kashe Muhammad Yusif da kwamishina Buji Foi bayan sakamakon alamomi da suka bayyana za a iya gurfanar da su a gaban kowacce kotu suyi bayani? Shugaban kasa? Shugaban 'yan sanda na kasa? Kwamishinan 'yan sanda na jihar? Gwamnan jihar Ali Modu Sherrif ? Sarki? Ko kuma attajiran jihar? Yanzu tsohon kwamishina Foi da ake zargi bashi da hakkin da za a kai shi kotu ya kare kansa?

Wai ina taken shugaban kasarmu na bin tafarkin doka da oda? Ina kwarmaton ministar yada labarai Dora Akunyili na farfado da martabar kasarmu? Amma sai gashi a jawabinta na BBC's Network Africa programme, tana bayyana cewar, abu mafi muhimmanci tunda dai ana kawar da shi daga doron kasa shikenan. Amma ta mittsike hakkinsa na cancantar a gurfanar da shi a gaban kotu. Domin bin diddigi, tare da bankado masu daure masa gindi. Idan dora na ganin da yawun lauyoyi da kuma alkalan kasar nan ta fadi wannan batu.

A gefe guda kuma sai ga shugaban kungiyar lauyoyi na kasa Oluwarotimi Akeredolu ya soki lamirin kashe shi da aka yi. Inda ya bayyana cewar, ko da an kama mai laifi karara da laifi ya cancanci a gurfanar da shi a gaban kotu tukunna kafin akai ga zartas masa da hukunci. Wanda wannan wani hakki ne da kundin tsarin mulkin kasa ya tanadarwa kowane dan kasa. A matsayinmu na 'yan kasa muna da hakki mu san dalilin da ya sa, 'yan sanda suka zartas da wannan hukunci bayan ya sa~awa tanadin dokar kasa kamar yadda yake a kundin tsarin mulkin Nijeriya na 1999.

Ina dalilin kashe Muhannad Yusif? Ina manufar kashe Buji? Me ya hana hukumomi daukar mataki tun tsawon lokaci sai bayan da lamari ya lalace? Ina 'yan kungiyar suka samu makamai? Sakacin wane ne ya janyo asarar rayukan daruruwan mutane? Ina rahotannin sirri da jami'an 'yan sandan ciki suka bayar dangane da kungiyar? Ta ina 'yan kungiyar suka rika dafifin shiga Maiduguri tun kafin wanzuwar tashin hankalin ba tare da an sani ba? Me ya sa suka mafi akasarin kaddamar da harinsu ya ta'allaka akan 'yan sanda? A kwanaki kadan kafin faruwar abin bam ya tashi da wani dan kungiyar a gidansa ya kashe shi. Wane mataki jami'an tsaron jihar suka dauka? A matsayin gwamnan jihar Ali Modu Sherrif na shugaban tsaro, duk bai samu bayanan wannan kungiya ba?

Yadda Mutuwa Ta Yi Dirar Mikiya A Gidan Marubuciya Lubabah

Mutuwa da ake yiwa lakabi da riga ce ba ta fita ga kowa. Wata babbar aya ce daga mahaliccin kowa da komai da ya ke saukar da ita ga wanda Ya so, a lokacin da Ya so, ba kuma tare da shawartar mutum ba, walau da ciwo ko ba ciwo a tafi. Aba ce mai radadi, mai firgitarwa, mai jefa zukatan bayi cikin yanayin alhini da matsananciyar dawuwa. Kana kuma ma'abociyar yanke kiyayya ko kauna. Kamar yadda ta yanke igiyar kaunar da ke tsakanin marubuci Ibrashim Sheme da matarsa marubiya Binta Salma Muhammad. Kazalika yadda ta kawo karshen soyayya tsakanin marubuci Yaron Malam da ahalinsa. Kana kuma kamar yadda ta raba marubuciya Sadiya Garba Yakasai da danta.


Kansakalin na mutuwa ya zama Sila tare da datse igiyar soyayyar marubuciya Lubabah da 'yarta Rukayya Adamu (Murfat), ba da dadewa ba, ta dawo tare da kara karbar ran wani daga cikin 'ya'yan na ta Dawud Adamu (Anis). Bata kammala warwarewa daga matsanancin alhinin rabuwa da su ba, sai mutuwar ta sake kwankwasa mata kofa. Yaya Kenan? Wannan karon ma ran wani dan nata ta kara daukewa Hamisu Adamu (Abba). Da ace marubuciyar Ilham na da ikon hana mutuwa kara kwankwasa kofar gidanta, da ko shakka babu babu abinda da baza ta iya yi domin yin katangar karfe tsakaninta da ita ba. Duk da so shu'umi ne, mutuwar sai da ta yanke wanda ke tsakanin Lubabah da mijinta Ado Dauda Bichi.


Da ba don zurfafa imani da kaddara ba, ba mamaki batan basira ya sanya Lubabah ta yi zargin wani abu. Amma sanin cewar, wanda ya daka ta bado shi ruwa ya kan ci, sai ta dau halin girma, tare da fauwala komai ga wanda ya busa musu numfashin. Ta kuma kudire a ranta cewar, Kema haka zata iya faruwa a gareki. Bayan farfadowa daga halin zulumi da alhini gami kewar da ta kasance, a halin yanzu ta bankade labulen da ya yi mata shamaki da dakatar da rubutu da tayi a baya. Ta sake sakin wani sabon littafi sabanin tsintacciyar Mage, wanda ya ce namiji uba da kishin balbal. Maje El-Hajeej Hotoro ya ziyarci Lubabah, tare da tattaunawa da ita kamar haka:


A kwanakin baya kin rasa uku daga cikin 'ya'yanki ko za ki bayyana mana yadda abin ya faru?


Hakika na rasa yarana uku kusan lokaci guda, wanda wannan wani hukunci ne na ubangiji ne da ya kan jarabci bawa a duk lokacin da Ya so. Kuma wani hukunci ne da Shi Ya fi kowa sanin dalilin hakan.


Ko lokaci guda suka rasu?


Ba lokaci guda suka rasu ba. Tsakanin daya da daya kwana 42 ne, daya kuma shekara daya da wata shida.


Silar rasuwarsu fa?


Rukayya Adamu (Murfat) ta dan yi hadari ne. Dawud Adamu (Anis) rashin lafiya ya yi na kusan tsawon kwana shida, harma ya warware Allah Ya karbi abin Sa. Shi kuma Hamisu Adamu (Abba) heater ya taba ta dafa ruwan zafi, hakan ya zama sanadiyyar Allah Ya karbi abin Sa.


Bayan wadannan daga baya ma kin kara rasa maigidanki Ado Dauda Bichi. Ko yaya kika samu kanki?


Wannan duk cikin hukunci ne na ubangiji wanda Ya shirya duk wannan daki-daki.


Yaya zaki iya bayyana yanayin da kika kasance?


Gaskiya na shiga tashin hankali, na kuma dimauta da wannan al'amari. Amma imani da kaddara ya sani yiwa kaina fada. Domin a lokacin har na yankewa kaina kauna, gani na ke yi bazan kara samun wani farin ciki ba. Amma abune da Allah ne Ya ke dorawa bawa, kuma Shi Ya san yadda zai fitar da shi. Ban kuma san wane tanadi Allah Ya Yi min a gaba ba.


Ko hakan ya shafi harkar rubutunki?


Gaskiya ya shafa. Saboda bayan faruwar hakan komai ya fice daga raina, sai kwanan nan ne ma na dan dawo harkar.


Kusan yawanci marubuta kan so rubuta labarin wani abu da ya faru akansu. Ko kin yi sha'awar mayar da wannan abu da ya faru a gareki zuwa littafi?


Gaskiya ban yi sha'awa ba.


Dalili?


Saboda ban taba daukar wani abu da ya shafi rayuwata na mayar da shi littafi ba. Duk da dai cewar ya kamata a rubuta hakan domin nunawa mutane muhimmancin hakuri, yadda Allah Ya kan jarrabi bawansa da sauransu, amma ban yi sha'awar mayar da shi littafi ba.


Ko yaya zaki bayyana rayuwarki a halin yanzu?


Na san dole ka riga ka yi aure, ka zauna da mijinka amma yau babu shi, wataran zaka zauna ka yi tunani ko wani abu haka. Amma a halin yanzu ina cikin kwanciyar hankali babu kuma wata damuwa a tare da ni.


Kin ci gaba da rubutu kenan?


Yanzu ma na ci gaba da rubutu, domin na fitar da sabon littafi.


Sunansa?


Labule.

Tasarifi

Tasarifi shima wani littafi ne daga cikin littattafan Marubuci Maje El-Hajeej Hotoro, wanda a halin yanzu bai fita kasuwa ba. Labari ne na yarinya Khadijah, wacce ta kasance cikin matsanancin tashin hankali gami da musibar rayuwa sakamakon..... Ta tsinci kanta cikin tsaka mai wuyar zabin abubuwa biyu masu matukar muhimmanci a gareta. Yaya zata yi? 'Yar wasan Hausa Saima Muhammad ce a jikin hoton bangon littafin.

Gidajen Rawa Tsirara A Kano?

Unguwar Sabon Gari dake karkashin karamar hukumar Fagge, ta shahara matuka wajen tattara abubuwan badala. A kwanakin baya hukumar tace fina-finai da dab'i ta kama wasu mata na rawa tsirara a wani giidan rawa da ke unguwar. Kuma ko a kwanan nan wani bincike da Leadership Hausa ta gudanar ta gano wasu gidajen rawa tsirara da matan Chadi ke yi. Rawar na gudana ne da dare inda suke yi a ranakun juma'a, asabar ko lahadi. Wani lokacin sukan yi bikin ajo (Gahaawa) inda suke gayyato 'yan uwansu a kunna turarikan wuta masu kamshi. Kana kuma N200 ake biya domin shiga gidan.

Rawar na gudana ne a yayin da suke bin kidansu dake tashi wanda ake kadawa a wajen. Kuma matan na yin rawar ne sanye da shu'man tufafi ma'abota bayyanar da surorinsu. Kamar yadda wani da yake zuwa wajen ya tabbatar min, akwai yanayin wata rawa da matan ke yi da ake kira da turanci (Ass down) wani salo ne da matan kan janyo wandonsu kasa, domin bayyanar da wani sashi na duwawunsu, kana kuma daga gaba a samu damar ganin wani sashi na mararta.

A yayin da kida yayi kida matan na girgiza sassan jikinsu, su kuma mahalarta taron zasu rika kwarara ihu. Lokaci guda kuma suna farke bandir din kudi suna faman liki ba kakkautawa. Da dama daga cikin matan matasa ne kuma baligi farare kalkal, masu kyan diri da cikar halitta. Wanda dama Malam Bahaushe da aljanun son farar mace, ballantana kuma mutumin Kano! Wata majiyar ma ta tabbatar min da cewar, wani lokacin matan har sukan fayyace nonuwansu a zahiri. Ko kuma duwawunansu kacokam ga mutane.

Wani mahalarcin wajen ya shawarci wadanda basu fara zuwa wajen ba da su rufawa kansu asiri, domin a cewarsa, kallon rawar na da matukar nishadi. Kuma idan mutum ya fara, da wahala ya daina. Kuma irin wannan rawa ta samu karbuwa sosai a wajen matasa da kuma magidantan da sukan raba dare suna nishadantuwa da kallon tsiraicin fararen matan. Kana kuma matan na gabatar da kansu ga duk mai bukata matukar sun daidaita farashi. A church road, Enugu road da kuma Ecowas duk suna gudanar da wannan rawa. Kazalika suna yi sau biyu a otal din Royal Tropicana. Kamar yadda bincike ya tabbatar. Hukumar tace fina-finai da dab'i ta jihara ita ce ke da alhakin kulawa da harkar kade-kade da wake-wake da kuma raye-raye, na kuma yi tattaki hukumar tare da ganawa da babban darakta Malam Rabo Abubakar.

A kwanakin baya wannan hukumar ta bayar sanarwa a kafafen yada labarai na tabbacin kama wasu mata na rawa tsirara a wani gidan rawa da ke unguwar Sabon Gari. Ina gaskiyar wannan batu?

Babu wani gida wararre guda daya da wanna hukuma ta taba bayar da sanarwa akansa. Gaskiya ne wannan hukuma tare da hadin gwiwar 'yan sanda da kuma kotu muna fita domin sa ido, wata fitar kuma dama muna da cikakken yakini na ana yin raye-rayen da suka sabawa shari'ah wadanda muke kira na batsa ko na badala. To a Sabon Gari irin wannan gidajen sun fi sau shurin masaki. Adadi mai yawa. Allah Ya banu iko mun yi aiki a kansu. Kuma 'yan jaridu sun dauki irin layin da suke so sun bada rahoto yadda suka fahimci lamarin.

Amma mu namu mu kama masu laifi babu cikin Sabon Gari, babu cikin gari babu wajen gari, lallai duk inda muka samu mai laifi zamu yi kokarin kamawa.

Rahotanni daga Sabon Gari sun tabbatar da akwai ire-iren wadannan gidaje da wasu 'yan kasar Chadi da Sudan ke rawa tsirara. Ko wannan rahoto ya zo muku?

Rahoto ko mutanen Nijeriya ne ko baki ne ya fi kama da hurumin wasu hukumomin. Raye-raye ko Baturen Ingila ne ya shigo cikin Kano, kasancewar an hana rawar batsa ba zamu kyale ba. Wannan rahoto shine ya ke bamu cikakken kwarin gwiwa na binciken da muka fara na wasu gidaje da har yanzu su akwai ragowar irin wannan rawa, suna fakewa da sunan na al'adarsu ne ko na gargajiyarsu ne. Kuma wannan abin da ya taso shi zai kara mana kaimi da hadin gwiwar jami'an tsaro musamman na farin kaya domin mu samu cikakken rahoto kafin mu kai garesu. Saboda na baya da muka yi, duk haka muka yi. Sai mun tara cikakkiyar hujja da bayanan da idan mun kai kara ba zamu fadi ba.

Zuwa yanzu ko kun rufe irin wannan gidajen sun kai nawa?

A kwaryar Sabon Gari gidajen raye-rayen batsa da na Disco da na Gala da na Mamin da na duk abinda za a iya tunani. Har na 'yan asharalle da sauransu akalla zasu kai gidaje 48.

A yayin da kake bayyana nasarorin wannan hukuma na rufe irin wadannan gidaje a Sabon Gari a kuma gefe guda hukumar Hisbah ta alakanta wannan aiki ga hurumin hukumar bude ido da shakawa ne wannan alhaki ya rataya a wuyansu. Ba ka ganin an kana keta huruminsu?

Hukumar Hisbah ina da tabbacin ta yi muku bayani ne a bisa abinda ta sani na doka don haka zai yi wuya tayi wani jawabi da zai yi karo. Kuma nima na yarda da Hukumar Hisbah rajista da tafiyar da al'amuran na gidan wasanni ko na shakatawa a karkashin hukumar Tourism yake. Amma mu inda muka shigo shine wanne irin abu ake yi a wajen shakatawar ko na bude idon? In anyi shi sabanin Shari'ah to muna da hurumi. Wannan ma ya sa komai kyan hajarka yayin kokarin sayar da ita, kai wani abu da ake kira badala ko wani sabo da ya keta dokokin wannan hukuma. Ba muna tuhumarka ya akayi ka samu rajistar sana'arka ba ne. Me ya sa aka same ka ka aikata ba daidai ba? Don haka muna da hurumi. Mu a fannin sa ido muke an yi daidai ko kuiwa a a, nan muke da hurumi.

Na garzaya ofishin hukumar shige da fice ta jihar inda na samu jami'in hulda da jama'a Nasiru Umar, wanda ya tabbatar min da wanzuwar wadannan mata. A zuwan farko na tarar sun kama wasu da tuni suka hankada keyarsu zuwa kasarsu. Yayin a zuwa na biyu nayi sa'ar samun wata matashiya mai suna Maryam, wacce ko ina na jikinta duk ta zane tatas da zanen furannin da ake kwalliya dasu na lalle a hannu da kafa. Na tambayi Maryam ko daga ina take ta ce daga jihar Maiduguri. Zancen da jam9i'in hulda da jama'ar ya nemi ta bashi lambar wayar mahaifi ko mahaifiyarta su kira indai sun tabbatar daga can ta ke zasu sake ta. Sai ta amsa da cewar, ta yar da wayarta. Da na tambayeta a ina suka kamo ta? Sai ta amsa da cewar church road. Me ake yi a wajen ta ce gidan rawa ne.

A binciken da na yi a wajen, na gano cewar, matan suna shigowa Nijeriya ne domin yin karuwanci. Domin akwai wacce ta bayar da tabbacin a kullum maza shida ne suke nemanta akan N500 kowane. Wanda hakan ya sa take samun jimlar N3,000 kullum. N90,000 a wata. A karo na uku ne da na koma nayi sa'ar an kamo su da dama. Inda har na shiga cikin ayarinsu a inda ake ajiye su kafin a mayar da su kasarsu. Farare ne sosai, wanda har wasu daga cikinsu na kara tasirin hasken nasu ta hanyar shafe-shafe. Daga cikinsu na tattauna da wata a takaice.

Yaya sunanki?

Zam zam.

Daga ina kike?

Chadi.

Ko kina da takardar izinin shigowa Nijeriya?

Babu.

Me ya kawo ki Nijeriya?

Yawo.

Sai dai ko kadan ban ga wani alamun damuwa tattare da su ba na kama su din da aka yi. Domin a bincikena na gano cewar da zarar an damka su ga hannun ofishin jakadancin kasar Chadi, sai su kara tsallakowa su dawo. Kuma na gano yadda wasu manyan masu fada aji na jihar ke karbarsu a hannun jami'an shige da ficen a duk sa'ad da suka kamo su. Domin ko a lokacin na samu tabbacin wani mai rawani da ya aike da katinsa na a saki wata daga ciki. Jami'in hulda da jama'ar ya koka matuka da wannan karuwanci da suke yi, domin kamar yadda ya fada akwai yiyuwar yaduwar miyagun cututtuka. A takaice ma har shaida min yayi cewar, ba irin rokon da basa yiwa matan su nemo mazan aure su kuma zasu barsu su zauna a kasar, idan barinta ne basa son yi.

Daga karshe na samu kididdigar hukumar tayi nasarar cafke adadin matan guda 16, daga watan Afirilun wannan shekarar zuwa lokacin hada wannan rahoto.

Alkawarin Allah

Hajiya Siyama Ado Bayero 'ya ce ga mai martaba sarkin Kano, wacce ta rubuta littattafai da dama. Daga ciki shine Alkawarin Allah, wanda ya dade da fita kasuwa, kuma littafin yana dauke ne da labarin yadda samari suke amfani da hatsabiban kwayoyi domin zautar da 'yan mata, suna saduwa da su.

SHU'ARA

Shu'ara wani kayataccen littafi ne na marubi Maje El-Hajeej Hotoro, wanda ya fita kasuwa da jimawa. Yana kuma dauke da abubuwan al'aji tare da nishadantarwa. An rubuta littafin cikin salon sarrafa harshe, tare da wasa kwakwalwa. Labari ne na tausayi, soyayya, yaudara, hargitsi, da kuma butulci gami da yafiya.

Kankana

Kankana shima wani littafi ne daga cikin litattafan Marubuci Maje El-Hajeej Hotoro, wanda aka rubuta shi cikin salon jan hankali da kuma nishadi. Littafin ya samu karbuwa matukar gaske, har ta kai marubucin yayi nasarar samu cin gasa da aka gudanar a Abuja. A cikinsa akwai labarin yadda matsanancin kwadayi ke sa mata yin amfani da sirrin Kankana domi mallake duk namijin da ya kusance su. Ga kuma cin amanar yin soyayya da dan mijin da suke aure, baya kuma ga son mallake dukiyar mijin ta hanyar yaudara.

Garkuwar Nakasassu frowns at food price hike

Wife of the Kano state governor, Hajiya Halima Ibrahim Shekarau, Garkuwar Nakasassu has called on businessmen and industrialists in the state and beyond to look at the possibility of reducing the prices of essential commodities especially during the month of Ramadan.




She made the call in a meeting with representatives of some industrialists, the business community, the Ulama among other stakeholders at the Government House, Kano.



The Garkuwar Nakasassu stressed the need for all to show concern as well as make an input in ensuring sanity in the business sector particularly as it affects the pricing of essential commodities, lamenting that such price rise usually becomes so visible during the month of Ramadan; the trend that she prayed should be controlled.



She disclosed that the aim of the meeting was to brainstorm with the stakeholders with a view to looking into all the possible ways of addressing the problems of the price hike, saying that the government is always ready to contribute its quota in that direction.



In his response, representative of Dangote Group of companies, Alhaji Wafa Dantata, attributed the problem of the pricing of commodities to certain factors to include the cost of raw materials and production, saying Dangote Group has never increased a single kobo on the prices of their commodities.



On the issue of the persistence increase in the exchange rate of foreign currencies to Naira which most businessmen pretend to be among the reasons for the cost of their commodities, an elder in the WAPA market, Malam Hassan Muhammad, revealed that such increase was a problem from the Central Bank of Nigeria (CBN) and other government authorities, saying this is supposed to be addressed for the benefit of the common man.



He reiterated the determination of their companies to continue to assist the less-privileged in the society so that they will continue to have a sense of belonging as human beings.



On his part, a renowned scholar in the state, Sheikh Ibrahim Khaleel who called on all in the business and production cycles to always have the fear of God in whatever they do, also stressed the need for a price control mechanism that will dictate how such commodities will be priced as against the present trend of allowing market forces to determine the prices.



In his remark, Uztaz Tijjani Bala Kalarawi drew the attention of those concerned with the issue of pricing as well as the wholesellers and retailers to always be considerate and fear Allah in their dealings, lamenting that most of the times such price increase is being fuelled by the press as making certain reports incite others to hoard and increase the prices.



Speaking at the occasion, Sheikh Abduljabbar Nasiru Kabara who commended the wife of the governor for her foresight in calling for such an important meeting, tasked the Ulama not to relent in educating those concerned with the plight of the poor.



During the meeting, representatives of various trade unions in the state who spoke, including that of fruit sellers at Yan Lemo Market, Alhaji Mu’azu Yaro Gabasawa, tried to exonerate themselves from the blames for the unnecessary price increase in the prices of commodities in the state especially during the fasting period.

President Return

President Umaru Musa Yar'Adua returned from his 10-day medical check-up in Saudi Arabia yesterday, where he also performed the lesser Hajj (Umra).




Barely a few hours after arriving the Aso Rock Villa, the president responded to media reports, which alleged that his ongoing civil service reforms were anti-north and a promotion of a southern agenda.



The president equally dismissed claims of northernisation of the nation's banking sector, as alleged by some southerners, through the government's action in which some bank executives were indicted for sharp practices.



A national daily had reported yesterday that the reforms being implemented by the new Head of Service, Mr Steven Oronsaye, were aimed at frustrating the upward movement of northerners in the federal bureaucracy in favour of southerners.



In the case of the Central Bank of Nigeria, the presidency defended the reform initiated by the governor of the apex bank, Malam Sanusi Lamido Sanusi, saying it was intended to restore sanity to the industry and add value to investor's interest.



Speaking to State House correspondents through his spokesman, Mr Olusegun Adeniyi, Yar'Adua decried a continuous linkage of every public policy to ethnicity, saying that every well-meaning Nigerian must be wary of the resurfacing of ethnic politics in the nation's polity.



He said the primary purpose of introducing the tenure system was to institute due process in the appointment of directors and permanent secretaries, arrest the succession crisis in the service, create vacancies, reinvigorate the system, and boost the morale of qualified and deserving officers.



According to Adeniyi, Yar'Adua was not happy with the new trend of ethnicisation of politics and politicisation of ethnicity in Nigeria, and wondered why the introduction of tenure for permanent secretaries and directors in the Federal Civil Service should be a thing of apprehension when the exercise "is already boosting morale within the system."



The presidency was particularly irked by those it believed were out to misrepresent the facts contained in the approval granted by the president.



Adeniyi said: "What is particularly unfortunate is the recourse to ethnicity whenever some interests are affected by crucial decisions taken in promotion of national well-being.



"While no one has faulted the exercise, there is now a whispering campaign that it is targeted against the North simply because the Head of the Civil Service of the Federation, Mr. Steve Oronsaye, is from Edo State; the same way those affected by the banking reform would argue it is targeted against the South because the CBN Governor, Mr Sanusi Lamido Sanusi, hails from Kano!"



He added, "While the Nigerian civil service has undergone several reforms and will continue to undergo reforms in conformity with the ever-changing times and circumstances, the latest exercise, which has been approved by President Umaru Musa Yar'Adua, is the tenure for permanent secretaries and directors in the Federal Civil Service."

Laifin Me Mazauna Darul Islam Suka Yi?

Ina fatattakar 'yan Darul-Islam da gwamnati tayi? Laifinsu kawai shine domin sun zabi kauracewa daga cikin mutane da suke ganin tarbiyya ta lalace sun zabi komawa wajen gari su gudanar da addininsu gwargwadon fahimtarsu? Fahimta fuska ce. Kuma kundin tsarin mulkin kasa yabawa kowa 'yancin zabin addini. Ko kadangare mutum ya ce zai bautawa yana da wannan hakkin. Duk binciken da aka gudanar ya nuna mutanen nan basu da alaka da kungiyar boko haram. Suna ma da makaranta a yankin dake koyar da karatun boko. An kuam saka koyarwa a sashin Hausa na BBC duniya taji, yayin da wakilinsu ya gudanar da bincike na musamman a garin.



Mutanen nan da kansu suka nemi hukuma ta kai rangadi tare da gudanar da duk binciken da ya dace. Daga gida zuwa gida aka rika bincike ba a same su da makamai ba. An tintubi makotansu sun bayar da shaidar mutane ne masu son zama lafiya. Babu kuma wani yamutsi da ya taba hada su da kowa, tsawon shekaru 17 da suka yi a wajen. Suna tsaka da sallar asubashi jami'an tsaro suka tattare su tare da kai su wata makaranta aka rika bincikensu na tsawon wani lokaci. A cewar wani shugabansu yayin da ake tattaunawa dashi ta wayar salula washegari, ya bayyana cewar, wajen da aka ajiye su, babu abinci, babu wajen kewayawa, babu cikakkiyar kulawa, ga yara kwance a kasa ba lafiya. Hakkin bil Adama kenan?


Ina tanadin dokar kasa sashi na 41 da ya bawa kowane dan kasa 'yancin walwala da yawatawa a kowane yankin na kasar? Babu wata doka daga cikin tsarin kundin mulkin 1999 da ya bayar da izinin kama mutum haka kawai don ya zabi zama a wani yankin Nijeriya matukar dan kasa ne. A sashi na 46 na kundin tsarin mulkin kasar nan ya hana a tashi dan kasa daga wani yanki da ya zabi zama, sai dai a kai shi kotu. Kuma ko da kotun ta nemi ya tashi daga wajen, sai an biya shi diyya. Mutanen nan manoma ne, sunyi shuka, basu girbe ba, an tarkata su, an mayar da su inda suka fito. Ba tare da umarnin kotu ba, ba tare da an biya su diyya ba. Ina hakkin bil Adama?


Hala gwamnati bata tunanin wannan wani sabon salon barna suka bude? Domin idan sun mayar dasu inda suke, me suka tanadar musu? Me zasu rika yi a can? Ba sa tunanin sauya musu tunani daga masoya zaman lafiya, zuwa masoya neman ramuwar gayya wacce tafi ta gayya zafi ko ba dade ka ba jima? Kuma ko ta wacce hanya? Ba sa tunanin nan gaba irin wadannan mutanen da aka gallazawa bama kungiyar boko haram ba, ko kungiyar ci da sha haram, aka gayyace su zasu iya mika wuya? Basa tunanin nan gaba kowane gwamna zai iya kafa hujja da wannan dalili a gaba ya kori duk bakin johohin mazauna jiharsa, musamman ma idan suka samu bambanci ra'ayin siyasa? Basa tunanin ire-iren dangogin wadannan take haddi ne, ya haifar da ambaliyar kunar bakin-wake da 'yan bindiga dadi da yau suka zamewa duniya alakakai?

Sheme, Balaraba and Maje emerge winners

Engineer Mohamed Bashir Karaye Prize in Hausa Literature

Sheme, Balaraba and Maje emerge winners

Three writers emerged yesterday as winners of the maiden edition of Engineer
Mohamed Bashir Karaye Prize in Hausa Literature. The investiture of the prize
took place at an impressive ceremony organised by the Abuja chapter of the
Association of Nigerian Authors (ANA). Editor of LEADERSHIP, Ibrahim Sheme, took
the first prize with his novel, 'Yartsana, while Hajiya Balaraba Ramat Yakubu
and Maje El-Hajeej Hotoro came second and third with their novels, Matar Uba
Jaraba and Kankana respectively.
The prize was endowed by the widow of the late Mohammed Bashir Karaye, a former
commissioner in Kano State and an ardent lover of the arts. The widow, Mrs
Bilkisu A. Bashir, who is the Executive Secretary of National Judicial Service
Commission, Abuja, was inspired by a desire to immortalise her husband's memory.

The Chief Justice of the Federation, Justice Idris Legbo Kutigi; a former Chief
Justice of the Federation, Justice Muhammadu Lawal Uwais and a former minister
and ambassador, Professor Iyorwuese Hagher were some of the dignitaries that
graced the occasion that took place at the International Conference Centre,
Abuja.

A university don, Prof. Anthony Chukwuemeka Oha, delivered the keynote address
in which he traced the history of written literature in Africa and showed how
literary competitions helped develop creative writing in Hausa. He lauded the
Karaye family for supporting the cause of literature in the country.

Similarly, chairman of the panel that judged the books, Prof. Abdalla Uba Adamu,
highlighted milestones in the history of Hausa creative writing competitions
from 1933 to date, showing how such milestones affected the direction and
quality of the books produced. Commenting particularly on the current contest,
he told the audience that the judges' panel had used a simple method in
assessing the 19 entries for the awards, with a focus on cultural impact of the
entries, themes, plot, style, etc. He was confident that the three winning
entries were adjudged the best out of the lot.
The winners were given certificates and cash prizes of N150,000, N100,000, and
N50,000 respectively - an innovation in Hausa literary competitions. They were
invited to tell the audience who they were and what motivated them to go into
writing. They said they were motivated by the desire to enlighten the public and
influence the society for positive change.

Also speaking at the ceremony, Professor Hagher noted that the Hausa language
had attained a position of acceptability that could easily make it the lingua
franca of Africa. He also pointed out that the language had increasingly
transformed itself to go with the times.

Justice Kutigi stated that the Hausa language contained ingredients of African
cultural activities and had grown tremendously within the last three decades. He
praised the organisers of the competition for a job well done.

Engineer Karaye was remembered by one of his bosom friends, Gen. Lawal Ja'afaru
Isa, a former governor of Kaduna State, who recalled their days together with
the deceased in secondary school and after. He said Karaye was a very humble and
hard working friend of his, saying they had related with one another up till the
time of his death. Isa was represented at the occasion by his wife Hajiya
Zainab.
Karaye died on October 25 last year, and yesterday was the first anniversary of
his death.

The sponsor of the prizes, Hajiya Bilkisu, had told reporters in her office
weeks back that she was willing to fund the writing competition every year. And
the chairman of the Abuja chapter of ANA, Dr. Emman Usman Shehu, revealed that
the competition would be interchanged between the genres of prose, poetry and
drama every year, hinting that next year's contest would be waged among Hausa
poets.
The audience was entertained by a troupe from the Abuja Arts Council, who
performed a Fulani dance.